महेन्द्र मिसिर
दुगो भोजपुरिया शान एक जाना अतीत त दुसर भविष्य के सितारा।
संदेश
रात के पहरा
सावन के महीना रहे, अन्हरीया रात के पहरा रहे। सुतल रहनीं हम,ओ सुतल रहनीं हम भीतरीया आला घरवा में, तले देखनी एगो सपना बडा विचित्र रे, ए सखी हम तोह से का बतांई, का का सपनवां में। पिया के हम के इयाद आइल, लागल कि करेजवा केहु हिला गइल। ओह रात के पहरा में।।
भारत के पहिला भोजपुरी चैनल
भारत के पहिला भोजपुरी चैनल सभ भोजपुरीया लोगन के जान के खुशी होइ की अब आपनो एगो चैनल आ गइल बा ए चैनल के अइला से अब हमनीं के अपना बोली में खब़र से ले सिनेमा,धारावाहिक,गीत संगीत इ सभ अपना भाषा में देख-सुन के आनंद लीं जा। एह चैनल के लाँचींग में मनोज तिवारी,भरत शर्मा, शारदा सिन्हा, कल्पना,मालिनी अवस्थी से लेके प्रकाश झा जइसन कलाकार आ फिलिमी लोग के अलावा लालु प्रसाद जइसन भोजपुरीया नेता आ भोजपुरी के शान इ लोग उपस्थित रहे लोग एकर शुरुआत लालु जी खुदे कइलन। त फेर अब इ ब्लाग जनीं पढीं लोगिन जाँई जल्दी आ देखीं जा आपन चैनल.... जौना के नाम बाटे महुआ 'दिल से भोजपुरी'। अब आज्ञा दीं लोगिन चलत तानीं आपन प्रोग्राम देखे। तब ले जय श्री राम
चिट्ठाजगत अधिकृत कड़ी" href="http://www.chitthajagat.in/?claim=s361zdsg6xwu">नेता के पहाड़ा
सभ के हमार प्रणाम। आज हम रऊआ सभे के एकठो नया पहाडा बतावतानी। कृप्या ध्यान देम जा। कौनो गलती आ चाहे जियरा के दुखावे वाला कौनो बात खातिर एगो लइका जान के क्षमा देबे के कृपा करेम जा। नेता के पहाडा नेता के नेता, नेता दूना भाषण, नेता तिरी अनशन, मेता चौका प्रदर्शन, नेता पचे घुस-घास, नेता छक देश के नाश, नेता साते करे ढिंठाई, नेता आठे होखे पिठाई, नेता नवां नवके बने सबसे अनइस, नेता दहां चारसो बीस।
८३ के जस्न लॉर्ड्स के मैदान में
आज सुनील गावस्कर लॉर्ड्स के मैदान में ८३ के विश्व विजेता भारतीय टीम के सदस्यन के एगो पार्टी देत बाडन एह पार्टी के मुख्य उद्देश्य बीतल दिनन के इयाद करे के हवे। बाकिर का इ पार्टी आ इ जस्न मनवाला से भारत फेरु वर्ल्ड कप जीते में सक्षम बन सकेला का ? शायद ना, एकरा से नीमन त रहित की इ खेलाडी लोग अपन अपन तजुर्बा के नया पीड़ी के दिहित लोग। बाकिर एह लोग के , के समुझावे एमें से कुछ लोग कोशिश त कइल लेकिन बोर्ड के ढीला रवैया के चलते नया टीम से तालमेल ना बिठा पाइल लोग जेकर परिणाम हमनी के २००३ के वर्ल्ड कप में केन्या जैसन कमजोर टीम के सेमीफाइनल तकले पहुंचला के रूप में देखनीं सन वोह टीम के उहाँ तकले पहुँचावे में एगो अइसन व्यक्ति के हाथ रहे जे ८३ के भारतीय टीम के हिस्सा रहे आ एकरा अलावे उ भारत के कोचिंग भी देवे के कोशिश कईलन बाकिर सीनियर आ बोर्ड के शहमिलल कुछ खिलाड़ी लोगन के राजनीती के चलते एइजा से केन्या चल गईलन आ ओकरा टीम के कोचिंग देबे लगलन आ उनकर मेहनत रंग लेलस केन्या के टीम वर्ल्ड कप के सेमीफाइनल तक ले पहुंचल । त इतिहास में जादा न जाके हम इहे कहे के चाहेम की हमनी के टीम के राजन...
