भोजपुरी शायरी-2

5.  हम ना जनले रहनी कि प्यार में का होला,
    जिनगी से बढके जेकरा के चाहल जाला
    उ केहु आऊरे के दिवाना निकलेला,
    त जान के भी जिनगी के जे जुआ खेलेला
    ओकरे के पक्का आशिक ई ठेठ बिहारी बुझेला।

6. दु डेग तु बढावs दु डेग हम बढाहीं,
    दुगो मिठ बचनवा तु कह, दुगो हम कहीं,
   नैना से नैना के मिला के, हियरा से हियरा के जोड
   तन में बसालs ठेठ बिहारी के प्राण नियर,
  तब देखअ दुनिया के प्यार के नज़रिया से
  ई कइसन तोहरा सोहाई...........

7. जब से चढल फगुनवा, तन में लागे आगी
    आ मन करे सजनीया के लगे जांईं भागी,
    बाकिर ठेठ बिहारी अइसन कहां हमरी भाग
    कि लेके राखीं प्रेयसी के दिनु-राती अपना लागी।।
  





    

टिप्पणियाँ

Anurag Sharma ने कहा…
रउवा लिख त देनी..बाकी आधा लोगन के समझे में ना आवत होइ...भोजपुरी हईं बुझे के कोशिश करतनी..
4 फ़रवरी 2010 को 4:59 am बजे
ठेठबिहारी ने कहा…
आदरणीय अनुराग भईया सादर नम्स्कार, रउवा हमरा ब्लॉगपोस्टके बारे में जे लिखले बानी उ ठीक बात बा बाकिर हम ई ब्लॉग सिर्फ आसिर्फ भोजपुरीयालोगन खातिर ही चला रहल बानी। बाकी रउवा सुझाव दिहनी ओकरा खातिर राउर धन्यवाद
9 फ़रवरी 2010 को 12:09 am बजे
एक टिप्पणी भेजें

इस ब्लॉग से लोकप्रिय पोस्ट

साकी

आपन जुठ जे कभी हमके पिया देलs, लबे -साग़र, ‘लबे -साक़ी’ के मजा देला। तहरा मस्ती के हाल अजब देखले बानी, शराब पिये से पहिले सुरुर होखेला। धोखा से पिया देले रहीं, एहू के दू घूँट, पहिले से नरम बा, वायज़ के ज़बाँ अब। करवट लेवेे ला फूलन में शराब, हमसे एह फ़स्ल में तौबा होखी? साक़ी,हेने त देखs हमहूं देर मस्त बानी, कुछ निगह-ए-मस्ती भी मिला दs शराब में । पियत जाईं हम जाम पर जाम भी, लेत जाईं साक़ी तहार नाम भी। जे छीन के पी सकता, पी लेता अब त, मैखाना में ए भाई, नया रीत चलल बा। पिये वाला के नाम भी ना बांचल मैखाना बा उदास, कि साक़ी ना रहल । ई असर उनका पर भइल, सोहबते- मस्ताना के, निहुर के मुँह चूम लिहलख शीशा पैमाना के। बेखुदी में एगो मयकश, कह गइल राज़े–दिल, आज तक ऐ दोस्त, सारा मयकदा बदनाम बा। दिल मिलल शीशा से, आँख लड़ल पैमाना से, हम कहाँ जाएब साक़ी,तहरा मैखाना से। पिया दs अंजुरी से साक़ी, जे हमरा से नफ़रत बा, प्याला ना देबs, मत दs, शराब त दs। हिया के आग बुताये, जेसे, जल्दी उ पानी लेआवs, लगा के बर्फ़ में साक़ी, सुराहिये-मय’ लेआवs।
और पढ़ें

हंऽ हम भाषा भोजपुरी हईं

हंऽ हम भाषा भोजपुरी हईं आवऽ एगो बात बताईं गाथा तोहके आपन सुनाईं दुल्हीन के हाथ के चूड़ी हईं कोहबर के दलही पूड़ी हईं मिश्री से मीठ मिठाई हईं मीठा के बनल लकठो हम सुरुका चिउरा आ चिउरी हईं हंऽ हम भाषा भोजपुरी हईं अहिल्या के तारण हईं राजेन्द्र के सारण हईं जेपी के आंदोलन हईं गांधी के चम्पारण हम राजनीति के धूरी हईं हंऽ हम भाषा भोजपुरी हईं कुंवर सिंह के हूंकार हईं ! मंगल पांडे के यलगार हईं अब्दुल हमीद के कुर्बानी हईं हरदम उफनत जवानी हम देशप्रेम से परिपूरी हईं हंऽ हम भाषा भोजपुरी हईं अंजन-प्रदीप के गीत हईं चित्रगुप्त के संगीत हईं बिस्मिल्लाह के तान हईं महेंद्र के पूर्वी गान हम रंगमंच के भिखारी हईं हंऽ हम भाषा भोजपुरी हईं बनारस के घाट हईं सोनपुर के हाट हईं गंगा-सरयू के पाट हईं राष्ट्र के उन्नत ललाट हम मस्त ठाट फकीरी हईं हंऽ हम भाषा भोजपुरी हईं सोहर झूमर खेलवना हईं बोली भाखा के गहना हईं होरी चइता आ कजरी हम आरा छपरा मिर्जापुरी हईं ठेठबिहारी के माई भोजपुरी हईं हंऽ हम भाषा भोजपुरी हईं राम प्रकाश तिवारी "ठेठबिहारी" ग्राम पोस्ट: भटकेसरी जिला: छपरा
और पढ़ें

रात कईसे कटल नइखे कुछऊ पता

रात कईसे कटल नइखे कुछऊ पता पियनी अँखिया से केतना पता ना चलल भोरे पसरल किरिनिया कपारे चढ़ल केतना मस्ती भइल बा पता ना चलल। । के सम्हारी समझ के परे जिन्दगी केहू हँथवा पकड़ ले करीं बंदगी रात नैना से केतना बहल नीर बा मन दहाईल बा कहँवा पता ना चलल।। तोहार पैमाना का बा दिल तूरे खातिर काहें भइलु तू निरमोही जुलुमी शातिर आँख से आँख जबसे मिलल बा प्रिये खुद हेरा गइनी कब से पता ना चलल। । ठेठ हमरा के लोगवा बिहारी कहे हमरा दिलवा के कोना भोजपुरी रहे माई तोहरे चरनिया में चहकत बढ़ल कब दो हो गइनी ओजगर पता ना चलल रामप्रकाश तिवारी
और पढ़ें